ფოლკლორისტიკის საფუძ ...

1907 წელს სკანდინავიელმა მეცნიერებმა კარლ კრონმა, კარლ ვილჰელმ ფონ სიდოვმა და დანიელ ოლრიკმა შექმნეს ფოლკლორისტთა საერთაშორისო საზოგადოება (Folklore Fellows) თავისი ბეჭდური ჟურნალით FF Communications. შემუშავებულ იქნა კვლევის სპეციალური მეთოდი შედარებითი მეთოდის საფუძველზე, რომელსაც შემდგომ „გეოგრაფიულ-ისტორიული მეთოდი“ ეწოდა და დღემდე გამოიყენება თანამედროვე მეცნიერებაში. პოპულარული სიუჟეტების აღსანუსხავად 1910 წლიდან ფინელმა მეცნიერმა ანტი აარნემ (1867-1926) დაიწყო მუშაობა ზღაპრის ტიპთა საერთაშორისო საძიებელზე. მეორე მსოფლიო ომის შემდგომ კატალოგი შეავსო და ახალი გამოცემა მოამზადა ამერიკელმა მეცნიერმა სტით ტომპსონმა  (1885-1976): 

Aarne, A.: The Types of the Folk-Tale. Translated and Enlarged by Stith Thompson, Helsinki 1928  =FF Communications 74; 

Aarne, A./Thompson, St.: The Types of the Folktale. A Classification and Bibliography. Second Reviyion, Helsinki 1961 =FF Communications 184.).
 
2004 წელს ჰელსინკის მეცნიერებათა აკადემიის ფოლკლორისტთა კავშირმა გამოსცა ზღაპრის ტიპთა ახალი საერთაშორისო კატალოგი სამ ტომად სახელწოდებით The Types of International Folktales. A Classification and Bibliography, რომელიც ანტი აარნესა და სტით თომპსონის „ზღაპართა ტიპების საძიებლის” სრულყოფილი გამოცემაა, შედგენილი გერმანელი მეცნიერის ჰანს-იორგ უთერის მიერ. ამიერიდან სამეცნიერო მიმოქცევაში ზღაპრის ახალი კატალოგი მითითებულია შემოკლებით ATU (Aarne-Thompson-Uther).