კურსის მიზანია საშუალება მისცეს სტუდენტებს შეისწავლონ კლასის მართვის ისტორიული, თეორიული და პრაქტიკული ასპექტები. სტუდენტები შეისწავლიან ქცევასა და გარემო პირობებს შორის მიმართებებს და შესაბამისად, გაეცნობიან, თუ როგორ შეიძლება სასურველი ქცევის ჩამოყალიბება გარემოს ცვლადების მანიპულირებით. ისინი ასევე შეისწავლიან ინტრინსიკული დაჯილდოვების ფორმებსა და შინაგანი მოტივაციის მექანიზმებს. გაეცნობიან სკოლის სხვადასხვა საფეხურზე კლასის მართვის სპეციფიკურ თავისებურებებს, ასევე, გაანალიზებენ კლასის მართვას განსაკუთრებული საგანმანათლებლო საჭიროების მქონე ბავშვებისთვის. ისინი გაეცნობიან მოსწავლეთა ქცევის შეცვლის მოდელებს, ქცევითი პრობლემების იდენტიფიკაციას და შეფასებას; აგრეთვე, ქცევის ცვლილების სტრატეგიებს და ქცევის ცვლილების ეთიკურ საკითხებს.
- პროფესორი: მზია წერეთელი