ფრანგული რომანის პოე ...

ლიტერატურული ნაწარმოების ანალიზისას დიდი ადგილი დროისა და
სივრცის პრობლემას ეთმობა. ნებისმიერი ამბავი დროსა და სივრცეში ხდება.
მნიშვნელობა არა აქვს, საუბარი გვაქვს რეალიზმის კუთვნილ მხატვრულ-
ლიტერატურულ ტექსტზე, რომელიც ჩვენს გარშემო არსებულ, ემპირიული
რეალობის მსგავს რეალობას ასახავს, თუ _ ფანტასტიკურზე. ყველა
შემთხვევაში, ლიტერატურული ნაწარმოების ფიქციონალური სამყარო, ჰომო თუ
ჰეტეროგენული, ამბავს მოგვითხრობს, რომელიც დროსა და სივრცეშია
განფენილი.