პალმირა სირიის ტერიტორიაზე ერთ–ერთ ცენტრალურ ქალაქს წარმოადგენდა, რომელიც დამასკოს ჩრდ.–აღმოსავლეთით მდებარეობდა. ბაბილონურ ტექსტებში იგი მოხსენიებულია სემიტური სახელწოდებით – თადმორ/თადმურ/თუდმურ – რაც ამორეულ ენაზე ნიშნავს "ქალაქი, რომელიც იგერიებს მტერს", ხოლო არამეულად – "დაუმარცხებელი ქალაქი". ბიბლიაში, ქრონიკათა მეორე წიგნში, იგი მოხსენიებულია, როგორც უდაბნოს ქალაქი, რომელიც მეფე სოლომონმა ააშენა.
